Nakulíwika mapu chi re’gá nochabo sinéami ka
Chú rekó: Octubre
metzá 16,17 ali 18, 2008 bamíbali.
Kúmi: “EXPOCHIHUAHUA”
mi Chihuahua, Chih., México.
Av. Tecnológico ali Escudero.
Tel. (614) 214- 2600.
Jé ri’gá bajuréwa: Ga’rá simírika
machíami benéria echi benéami: Benériami, Namúti
áami, namúti tibúami, Gobierno chi nóchami,
we benéami, jáwami, we níwami nóchali ali ga’lá
katúwami mapu re’gá benelíwa né sinéami
omáana eperéami júa.
Mapu re’gá omawáma iieff:
- Raichábo mapu re’gá Benépo sinéami
ka napawika kinána rikáachi,
- Raichábo mapu a benériami ju ralámuli eperélachi.
- Rewaká echi nuláami jua aminá mulípi boómi
perámi ali mapu jarécho ralámuli raíchami
ju, ali
- Rewaká mapu benéami ju aminá jarécho ralámuli
jua.
Piri nóchami ju echi IIEFF:
Anéka chu re’gá ju benelíwami echi omáana
eperéami, mapu re’gá anéma sinéami, enéka
chu re’gá aminá boómi eperéami chu re’gá
ju, nóchali, betéili, ali chu re’gá nóchali
chiliwéli sinéami echi: Rewaká aníami raíchali,
benéka nijíami raíchali, ali mapu á chapí
raíchali, binói re’gá, we benéka ali mapu
go’ná nócha.
Chu re’gá nocháma echi
IIEFF:
- Ayena nocháma echi benelíami benelíwami kítra
omáana kawichí nirúami chu re’gá nima
we minána ko.
- A napabúma iwérialimi ali ayéna cho mi alabé
nóchali mi ámá, kiti a iwérika a nocháma
echi benelíwamia kítra ma ko’ná a wiká
ralámuli eperé ali a wikaná jonsa a simíbami
síami ju.
- Ayéna cho a raicháma chu re’gá a kayéna,
nakulíwika ali a ga’rá nóchaka Sinéami
mulípi boómi peréami jua.
- Anéka chu re’ga nísa re echi raíchali nakulíwika
omáana kawichí; napawika nócha, ali bajuréka
ajaréana cho kawichí eperéami.
Echi nayónika nóchali mapu a nocháma echi IIEFF a
níwi kalí mapu go’ná nocháma, jarécho
mapu á machíami ju we ga’rá nócha, newáli
jarécho nóchali mapu go’ná a we ga’lá
kawichí eperéami a raíchika nokáli chu re’gá
nocháma le ali enéka chu iíri nóchali nalí
we gala-bé ju; sinéami jua napawíka a raícha
mapu ikí a napawíli je choná mapu go’ná
napawíliwa.
Mápu re’gá nima ali namúti
á chapiméa echi mapu a napawíli:
- Náta ka nijía raíchali echi wéala jáwami
ajareana cho eperéami, ali echi mapu we machí nawésa.
- Ganílika nijíami raíchali, ali nóchaka
benériami ju ne suwiná kawírili mapu kiti ga’rá
nima minána regáchi.
- Né sinéwi chótaka benéria omáana
kawichí ali benéria cho ajarécho ralámuli.
- Machiká nátaka benéria ne ga’rá wachía
ali ajarécho ralámuli benériami.
- Napawíka náta mapu ne sinéami ka nochábo
omáana kawichí.
- Raíchali áka ali wenómi amí Universidadchi
ali mapu ralámuli jua nóchami ju.
- Napabúka ali jua raícha echi jáwami; ali mapu
a níwi nóchali ali echi jua nóchami.
- Júa raícha echi 37* jáwami omáana kawichi
(nuláka aníami) ali mapu we machí raícha;
okúa mili 2000* mapu sí umuchíma re raíchali
námia, mapu go’ná napawípo re; okúa
ciento 200* ralinéwami ali besá makói ali malísa
makói mili 30-50* basalówami mapu go’ná benépo
re raíchali (* ikíika) ali mapu go’ná ralinéwipo
ali bile millóni 1+ benéami, echi we benéami.
- Iwérika nijía raíchali, ali ne iwérika
enéa osilí mapu ali níma re.
- Benéka nulámi mapu kíti ga’lá benérima
echi ralámuli omáana kawichí eperámi.
- Osilíchi bitíaka ne sinéwi jonsa, we galabé
raíchali níwika.
- Enéka echi www.iieff.com. Ali enéka binói re’gá
echi Internet.
- Osilíchi osaká nijíka mapu ralinéwima re/
we nijíka raíchali/ ali kabú nima re.
- Suwába osilí níwika mapu ali níma re omáwali,
níwika wikabée osilí, videos, fotos, etc.
Sícho a nijía raíchali, aniká, anéka
chu re’gá ju, etc. ( á animéa echi nuláami)
- Machiká ali jua raícha cho echi jáwami ali echi
benériami jua.
- Ne ralánika anéka raíchali echi sinéami
benériami, ali mapu jua kaníli.
Chu re’gá natétipo
- Kipu natéma mapu go’námi ralinéwima, 3x3m
( a ju mapu konámi osilíchi boíama, echi cumbre ali
napawíalachi , mapu si asiméa re bilé námia
raíchali).
$ 1,490 USD + 15% echi wenomí.
- Mapu re’gá natétima bilé rejón mapu
á asiméa raíchali námia o/ mapu ke tási
niwi mapu ko’ná ralinéwima.
$ 290 USD + 15% wenomí*
Chu re’gá natétima:
Bánkochi nijíka wenomí; Cheque, wenomí pewátami;
Tarjeta de credito (USA).
Mapu irémi ikíinala ko, mi
a kuírima le *becas á ali jarécho namúti, pe
belámi a enésa re:
Gema Cuazitl, nuláami mi IIEFF.
Raíchika. Tel. (614) 4 15 00 74 Cel. (614) 1 00 92 92 o
Esta dirección electrónica esta protegida contra spam bots. Necesita activar JavaScript para visualizarla
|
